Voyaga etmagan shaxsni olib chiqish
voyaga etmagan shaxslar uchun-ota-onalari yoki vasiylar (homiylar)ning fuqaroning xorijga chiqishiga notarial tasdiqlangan roziligi, ota-onalarning har ikkisi ma’lumotlarni yig‘ish punktiga bevosita murojaat qilgan hollar bundan mustasno. So‘rovnoma YaIDXP orqali yuborilganda, ota-onalar yoki vasiylar (homiylar)ning notarial tasdiqlangan roziligi talab etilmaydi. Bunda, ota-onalar yoki vasiylar (homiylar)ning roziligi faqat elektron raqamli imzoni qo‘llash orqali amalga oshiriladi;
voyaga etmagan shaxslar uchun — fuqaroga hamrohlik qiluvchi shaxsning notarial tasdiqlangan majburiyati (hamrohlik qiluvchi shaxs voyaga etmaganning otasi va (yoki) onasi yoxud vasiy yoki homiysi bo‘lgan hollar bundan mustasno);
15 yoshdan 18 yoshgacha bo‘lgan fuqarolar ota-onalar, vasiylar (homiylar)ning voyaga etmagan shaxsning mustaqil ravishda xorijga chiqishiga notarial tasdiqlangan roziligi bo‘lgan taqdirda, xorijga kuzatuvchisiz chiqishi mumkin. Ota-onalar, vasiylar (homiylar)ning voyaga etmagan shaxsning mustaqil ravishda xorijga chiqishiga roziligi, ular bevosita ma’lumotlarni yig‘ish punktiga yoki YaIDXP orqali murojaat qilgan taqdirda, notarial tasdiqlanishi talab etilmaydi. So‘rovnoma YaIDXP orqali yuborilganda ota-onalar yoki vasiylar (homiylar)ning roziligi faqat elektron raqamli imzoni qo‘llash orqali amalga oshiriladi.