Chet elga chiqish pasporti

O‘zbekiston Respublikasidan chiqish uchun biometrik pasport rasmiylashtirish kerak.

O‘zbekiston Respublikasi fuqarolari 2021-yilning 1 yanvariga qadar O‘zbekiston Respublikasining xalqaro shartnomalariga muvofiq, kirish vizalarini rasmiylashtirish talab etilmaydigan davlatlar hududiga O‘zbekiston Respublikasi fuqarosining amalda qo‘llanilayotgan 2011-yilgi namunadagi biometrik pasportidan foydalangan holda O‘zbekiston Respublikasidan chiqishi mumkin.

Biometrik pasportni olish uchun quyidagi hujjatlar taqdim etiladi

belgilangan shakldagi ariza-anketa;
biometrik pasport yoki ID-karta yoxud 16 yoshga to‘lmagan fuqarolar uchun tug‘ilganlik haqida guvohnoma;
ilgari berilgan xorijga chiqish biometrik pasporti (mavjud bo‘lgan taqdirda);
vakolatli organning qarori (xorijga chiqish biometrik pasporti ashyoviy dalil sifatida olib qo‘yilganida);
protsessual majburlov chorasi bekor qilinganligi haqida tasdiqlangan qaror nusxasi (xorijga chiqish biometrik pasportning amal qilishi sud ajrimi bilan to‘xtatib turilganida);
harbiy guvohnomaning yoki chaqiruv uchastkasida qayd etilganligi haqidagi guvohnomaning nusxasi yoxud mudofaa ishlari bo‘limining belgilangan namunadagi ma’lumotnomasi — harbiy xizmatga majburlar uchun;
davlat boji to‘langanligi to‘g‘risidagi kvitantsiya;
ota-onalar, vasiylar (homiylar)ning fuqaroning xorijga chiqishiga notarial tasdiqlangan roziligi — voyaga etmaganlar uchun;
fuqaroga hamrohlik qiluvchi shaxsning notarial tasdiqlangan majburiyati — voyaga etmaganlar uchun.

Chet elga chiqish pasporti 10 ish kunida beriladi.

Biometrik pasport quyidagi amal qilish muddatlariga beriladi

tug‘ilgan kunidan boshlab bir yoshgacha — 2 yil muddatga;
bir yoshdan 16 yoshgacha — 5 yil muddatga;
16 yoshdan oshgan shaxslarga — 10 yil muddatga.

2018-yilning iyunь oyidan 18 yoshdan 35 yoshgacha bo‘lgan qizlar bilan suhbat o‘tkazish tartibi bekor qilindi. Ular xorijga chiqish vizasini umumiy asosda olishadi. Batafsil havolada tanishing.

2022-yil 1-avgustgacha davlat xizmati YaIDXP va Davlat xizmatlari markazlari orqali ko‘rsatililishi amaliyotga to‘liq joriy qilinadi.

Норматив ҳужжатлар

Шаблон ва шакллар намуналари

Xorijga chiqish biometrik pasportini YaIDXP va DXM orqali berish to‘liq joriy qilinadi

chiqish ichki ishlar organlari O‘zbekiston Respublikasi fuqarolari pasport