Noturar joyni turar joyga o‘tkazishda ruxsat berishga doir qanday talab va shartlar mavjud?

Agarda siz noturar joyni turar joy sifatida qayta rasmiylashtirmoqchi bo‘lsangiz, unda ushbu ma’lumotlar bilan tanishib oling.

Vazirlar Mahkamasining 2022-yil 20 apreldagi 200-son qaroriga ko‘ra, ob’ektni qayta ixtisoslashtirish va rekonstruktsiya qilish uchun ruxsatnoma berish bo‘yicha davlat xizmatlaridan foydalanish uchun yuridik va jismoniy shaxslar faqat Davlat xizmatlari markazlari yoki YaIDXP orqali murojaat qiladilar.

“Bino va inshootlarning ixtisoslashishini o‘zgartirish, qayta qurish, rekonstruktsiya qilish hamda o‘z hududida qo‘shimcha bino va inshootlarni qurishni loyihalashtirishga ruxsatnoma berish bo‘yicha davlat xizmatlari ko‘rsatishning ma’muriy reglamenti”ga ko‘ra quyidagilar ruxsat berishga doir talab va shartlar hisoblanadi:

— ixtisoslashishi o‘zgartirilgan obektning foydalanish maqsadi er uchastkasidan ruxsat etilgan foydalanishning asosiy turiga muvofiqligi;

— noturar joy avariya holatida emasligi;

— turar joyga o‘tkazilayotgan xona bino erto‘lasi yoki yarim erto‘lasida joylashmaganligi;

— turar joyga o‘tkazilayotgan xonani to‘g‘ridan-to‘g‘ri boshidan oxirigacha yoki burchagidan shamollatishni tashkil etish imkoniyatining mavjudligi, shuningdek, yondosh turar joy yoki noturar joylardan to‘liq izolyatsiyalanganligi;

— xonalar shiftining (maksimum, minimum) balandligi shaharsozlik normalari va qoidalari talablariga muvofiq ekanligi;

— noturar joyni boshqa shaxsga o‘tkazishga taqiq yo‘qligi yoki ushbu noturar joyga nisbatan xatlov mavjud emasligi (ipoteka bundan mustasno);

— zarur sanitariya-gigienik uzellar yaratish uchun xonalarni moslashtirish imkoniyatining mavjudligi;

— markazlashtirilgan kanalizatsiya mavjud bo‘lmagan hollarda xonaga biriktiriladigan er uchastkasining maydoni turar joy xonasidan, shuningdek, biriktiriladigan er uchastkasiga tutash bo‘lgan boshqa mulkdorlarga tegishli turar joylardan oqova suv va hojatxona uchun mo‘ljallangan o‘ralardan sanitariya normalariga muvofiq masofada joylashganligi;

— xonaning mavsumiy va vaqtincha yashash uchun mo‘ljallanmaganligi;

— xonaning bozorlar va boshqa savdo markazlarida, mahalliy davlat hokimiyati organlari binolarida joylashmaganligi;

— to‘y va shunga o‘xshash marosimlar o‘tkazish bilan bog‘liq 100 tadan ortiq o‘tirish joyi bo‘lgan umumiy ovqatlanish ob’ekti, kino va videofilmlar namoyish qilinadigan statsionar va vaqtincha pavilьonlar, yozgi ochiq estrada, kinoteatrlar, raqs maydonchalari, 500 o‘ringacha bo‘lgan yopiq kinoteatrlar, inson hayoti uchun xavfli bo‘lgan portlovchi, yonuvchi va kimyoviy vositalar saqlash omborxonalari, angarlar, kioskalar, bostirma toifasidagi ob’ekt emasligi;

— ijtimoiy soha obektlarida joylashmaganligi.

Ob’ektni ruxsatnomasiz qayta ixtisoslashtirish va rekonstruktsiya qilish taqiqlanadi!