Iste’molchilarni elektr bilan ta’minlash

Elektr energiyasi uchun amaldagi tariflar o‘zgargan taqdirda, HETK ularning kuchga kirishidan kamida 15 kun oldin qarorni ommaviy axborot vositalarida e’lon qiladi.

Bunda elektr energiyasi uchun tariflar o‘zgargan sanadan qat’i nazar, elektr ta’minoti shartnomasi o‘z kuchida qoladi va iste’molchi foydalanilgan elektr energiyasi uchun yangi tarif kuchga kirgan kundan boshlab amalga kiritilgan tarif bo‘yicha haq to‘lashga majburdir.

Tarif o‘zgargan taqdirda, elektr energiyasi (shu jumladan, aktiv va reaktiv energiya)ning tarifi o‘zgargan kundan boshlab:

• maishiy iste’molchilar — 2 oydan ortiq bo‘lmagan;
• boshqa iste’molchilar — 1 oydan ortiq bo‘lmagan muddatga avans tariqasida to‘langan hajm uchun qo‘shimcha to‘lov to‘lashdan ozod etiladilar.

• elektrdan foydalanishda iste’molchi tomonidan qoidabuzarlikka yo‘l qo‘yilsa, bu haqida dalolatnoma tuziladi;
• dalolatnomaning bir nusxasi iste’molchiga beriladi. Bunda iste’molchining elektr qurilmalari tarmoqdan uzib qo‘yiladi.