Taziyq va zo‘ravonlik qurboni bo‘lgan ayollarni himoya orderi olish tartibi

O‘zbekiston Respublikasi Vazirlar Mahkamasining 2020-yil 4-yanvardagi 3-son qarori bilan jabrlangan ayollarga ichki ishlar organlari tomonidan himoya orderi berish, shuningdek, zo‘ravonlik sodir etgan shaxslarga uning nusxasini taqdim etish tartibi belgilandi.
Himoya orderi zo‘rlovchi va jabrlanuvchi o‘rtasidagi aloqani va bir xonada bo‘lishni taqiqlashni nazarda tutadi.
Agar ishni o‘rganish vaqtida jinoyat belgilari aniqlangan taqdirda — himoya orderini berish to‘g‘risidagi masalani ko‘rib chiqish bilan bir vaqtda ish materiallarini jinoiy javobgarlik masalasini hal qilish uchun tegishli huquqni muhofaza qiluvchi organga yuboradi.
- Himoya orderi 30 kunga beriladi. Agar bu muddat ichida xavf bartaraf etilmasa, jabrlanuvchining arizasiga binoan order ko‘pi bilan yana bir oyga uzaytiriladi.
- Profilaktika va nazorat ishlariga mehnat organlari, ta’lim muassasalari, sog‘liqni saqlash idoralari, xotin-qizlar Qo‘mitasining hududiy bo‘linmalari, shuningdek, fuqarolarning o‘zini o‘zi boshqarish organlari ham jalb etiladi.