Toshkentdagi jamoat transportlarida karantin qoidalari kuchaytiriladi
"Toshshahartransxizmat" aktsiyadorlik jamiyati Toshkent shahridagi jamoat transportlarida karantin qoidalari kuchaytirilishini ma’lum qildi.
Xabarga ko‘ra, so‘nggi kunlarda mamlakatda koronavirusga chalinggan bemorlar soni ortib borayotgani sababli "Toshshahartransxizmat" AJ jamoat transportlarida bir qator cheklovlar joriy qilmoqda. Qayd etilishicha, haydovchilarning tana haroratlari doimiy nazoratga olinadi, dezinfektsiya ishlari yanada kuchaytiriladi.
Shuningdek, endilikda niqobsiz yo‘lovchilar jamoat transportlariga chiqarilmaydi.