Uchrashuvda “Société Générale” bankining MDH mintaqalari bo‘yicha boshqaruvchisi Teyba Guliyeva hamda O‘zbekiston Respublikasi Iqtisodiyot va moliya vaziri o‘rinbosarlari Ilhomjon Umrzakov va Umid Abidxadjayev va boshqa mas’ul vakillar ishtirok etdi.

Ma’lumot uchun: Société Générale (SocGen) — Fransiyaning yirik moliyaviy kompaniyalaridan biri bo‘lib, 1864-yilda tashkil etilgan. Bosh qarorgohi Parijda joylashgan. Bankning asosiy faoliyat yo‘nalishlari quyidagilardan iborat:

·   Fransiya chakana bank xizmatlari: mahalliy mijozlarga turli bank xizmatlarini ko‘rsatish.

·   Xalqaro chakana bank xizmatlari va moliyaviy xizmatlar: dunyo bo‘ylab mijozlarga xizmat ko'rsatish.

·   Global bank va investor yechimlari: korporativ mijozlar va investorlar uchun xizmatlar.

Muloqot davomida tomonlar o‘zaro hamkorlik yo‘nalishlari, jumladan, xususiylashtirish va transformatsiya jarayonlari, yashil iqtisodiyotni rivojlantirish hamda davlat-xususiy sheriklik loyihalari yuzasidan muhokamalar olib bordi. Xususan:

·   Xususiylashtirish va transformatsiya: davlat ishtirokidagi banklarning xususiylashtirish jarayonlari, davlat ishtirokidagi korxonalarning transformatsiya qilish;

·   Kapital bozorlari: qimmatli qog‘ozlar bozorlari, yevroobligatsiyalar, xalqaro reytinglar bilan ishlash jarayonlarini jadallashtirish;

·  Yashil iqtisodiyotni rivojlantirish: mamlakatimizda 2025-yil “Atrof-muhitni muhofaza qilish va yashil iqtisodiyot yili” deb atalishining ushbu sohaning rivojlantirishdagi o‘rni, energiya samaradorlikni oshirish, zamonaviy va yashil texnologiyalar asosida barqaror issiqlik tizimini yaratish;

·   Davlat-xususiy sheriklik: sog‘liqni saqlash, ta’lim, energetika, jumladan, elektr energiyasini yetkazib berish sohasida DXSH tamoyillari asosida amalga oshirilgan loyihalarga alohida to‘xtalib o‘tildi.

Muzokaralar yakunida tomonlar o‘zaro hamkorlik aloqalarini rivojlantirish va mustahkamlashgan hamda belgilangan maqsadlarga erishishda samarali faoliyat olib borishga kelishib oldi.