Xalqaro hamkorlik
2024-09-24 14:15:00 / Yangiliklar
Tomonlar eng yirik xalqaro moliya institutlaridan biri hisoblanayotgan – Osiyo infratuzilmaviy investitsiyalar banki Boshqaruvchilar kengashining 9-yillik yig‘ilishining Samarqand shahrida o‘tkazilishini olqishladilar. Mamlakatda investitsiya muhitini yaxshilash bo‘yicha amalga oshirilayotgan keng ko‘lamli ishlar kontekstida investorlarning, jumladan, TDT mamlakatlari vakillarining O‘zbekistonga qiziqishi ortib borayotgani qayd etildi.
Uchrashuvda energetika, transport va infratuzilmani rivojlantirish sohalarida yangi investitsiya loyihalarini amalga oshirish, iqtisodiy o‘sishning drayveri va yangi ish o'rinlari yaratish manbai bo‘lgan tadbirkorlik, kichik va o‘rta biznesni qo‘llab-quvvatlash dasturlarini hayotga tatbiq qilish rejalari muhokama qilindi.
Shu munosabat bilan iqtisodiy rivojlanish maqsadlariga erishishning aniq mexanizmlarini birgalikda ishlab chiqish va TIF resurslarini istiqbolli loyihalarga samarali taqsimlash muhimligi qayd etildi.
Uchrashuv yakunlari boʻyicha oʻzaro hamkorlik koʻlamini kengaytirish va jamgʻarmaning faol ishtirokida mamlakatimiz iqtisodiyotining ustuvor tarmoqlarida muhim loyihalarni amalga oshirish boʻyicha birgalikdagi saʼy-harakatlarni faollashtirish boʻyicha oʻzaro majburiyat bildirildi.