Toshkentda O‘zbekiston - Germaniya ishbilarmonlar kengashi doirasida Biznes-forum o‘tkazildi

O‘zbekiston Respublikasi Bosh vaziri Abdulla Aripov va Germaniya iqtisodiyotining Sharqiy qo‘mitasi bosh direktori Mixael Xarms hamraisligida o‘tgan Biznes-forumda ikki mamlakat yetakchi firma va kompaniyalari rahbarlari ishtirok etdi.

Germaniya O‘zbekistonning Yevropa Ittifoqidagi muhim va ishonchli hamkori hisoblanadi.

O‘zaro tovar ayirboshlash hajmini oshirish, turli sohalarda qo‘shma investitsiya loyihalarni ro‘yobga chiqarish bo‘yicha hamkorlikni yanada rivojlantirish masalalari bo‘yicha atroflicha fikr almashildi.

O‘zbekiston Respublikasi Prezidenti Shavkat Mirziyoyev boshchiliklarida tizimli islohotlar olib borilayotgani, shu jumladan, biznes muhitni yanada yaxshilashga qaratilgan  ishlar o‘zining yuksak samaralarini berayotgani ta’kidlandi.

“Knauf”, “Papenburg”, “Falk Porsche”, “Klaas”, “Commerzbank”, “KfV” singari ko‘plab nemis kompaniyalari va banklari mamlakatimizda muvaffaqiyatli faoliyat yuritib kelayotgani yuqoridagi fikrlarimiz isbotidir.

Biznes-forumda nemis kompaniyalarining ilg‘or tajribalari asosida “yashil” energetika, IT, transport, infratuzilmani rivojlantirish, sog‘liqni saqlash, ta’lim va boshqa sohalardagi loyihalarni birgalikda amalga oshirishdan manfaatdorlik bildirildi.