Yangi Namangan shaharchasida birinchi maʼmuriy bino faoliyatini boshladi
2024-08-29 12:35:00 / Yangiliklar
Xabaringiz bor, Namanganda yirik loyihalardan biri - Yangi Namangan shaharchasi qurilmoqda.
Davlatobod tumanida amalga oshirilayotgan loyiha ichida 6,1 milliard soʻmlik investitsiya dasturi doirasida qurilgan yangi sanitariya-epidemiologik osoyishtalik va jamoat salomatligi boʻlimi bugun foydalanishga topshirildi.
Namangan viloyati hokimi Shavkatjon Abdurazzoqov tabrik soʻzida oʻz soʻzida sogʻliq va tinchlik inson uchun eng yuksak boyliklar ekanini taʼkidlab, sogʻliqni saqlash sohasida olib borilayotgan islohotlarning ahamiyatini alohida qayd etdi.
Uch qavatli mazkur binoda bakteriologiya, parazitologiya, sanitariya-gigiyena, epidemiologiya va immunoprofilaktika yoʻnalishlarida zamonaviy laboratoriyalar tashkil etilgan. Yaratilgan sharoitlar viloyatning sanitariya-epidemiologik xizmatlari samaradorligini sezilarli darajada oshirishga xizmat qiladi.
Namangan viloyati hokimligi Axborot xizmati.