Tuman hokimligi bilan hamkorlikda ta’lim muassasasidagi sinf xonasi qayta ta’mirlanib, kerakli jihoz va o‘quv qurollari bilan butlandi.  Tadbirda so‘zga chiqqan Sharqiy harbiy okrug qo‘shinlari qo‘mondoni o‘rinbosari mamlakatimizda yoshlar siyosati yo‘nalishida amalga oshirilayotgan ishlar haqida fikr-mulohazalar bildirib, maktab jamoasini bayram bilan qutladi. Harbiy orkestr sadolari tadbir ishtirokchilariga xushkayfiyat ulashdi. Shuningdek, Faxriy qorovulning mahorat bilan namoyish etgan chiqishlari barchaning diqqat markazida bo‘ldi.

Shu kun yangi o‘quv sinfida tumandagi umumta’lim maktablari Chaqiruvga qadar boshlang‘ich tayyorgarlik fani o‘qituvchilari bilan davra suhbati tashkil etildi. Ochiq muloqotda “Vatan taqdiriga daxldorlik hissi, faol hayotiy pozitsiya” tamoyili asosida yoshlarga harbiy soha bo‘yicha boshlang‘ich bilim berish ishlarini sifat jihatdan yuksaltirish masalalari muhokama qilindi.

Sharqiy harbiy okrug matbuot xizmati