Termiz garnizonida serjant Muhiddin Eshtemirov xotirasiga bag‘ishlangan sport o‘yinlari, Kakaydi garnizonida serjant Chori Shamiyev nomi ulug‘langan kurash musobaqasi, Xayrabod garnizonida serjant Mashrab Jo‘rayev xotirasi uchun uloq-ko‘pkari musobaqasi o‘tkazildi. Ushbu turnirlar orqali harbiy xizmatchilarimizning jasorati va fidoyiligi esga olinib, yosh avlodga ibrat sifatida ko‘rsatildi.

Chori Shamiev Vatan osoyishtaligi yo‘lida fidoyilik ko‘rsatgan mard o‘g‘lon edi. Bugungi kunda uning o‘g‘li Ravshan Shamiyev ham harbiy xizmatda davom etib, ota izidan bormoqda.

Muhiddin Eshtemirov va Mashrab Jo‘rayev mustaqilligimizni mustahkamlash yo‘lida halok bo‘lib, qahramonliklari bilan xalqning ehtiromiga sazovor bo‘lishgan.

Qurolli Kuchlarimiz tashkil etilganining 33 yilligi va 14-yanvar Vatan himoyachilari kuni bayrami munosabati bilan tashkil etilgan xotira turnirlari nafaqat o‘tmishni yodga olish, balki harbiy jasoratni qadrlash, mamlakat taraqqiyoti va tinchligi uchun xizmat qilayotganlarni sharaflashga qaratildi. Ushbu musobaqalarda g‘oliblar diplom va esdalik sovg‘alari bilan taqdirlandi.

III darajali serjant Akbar Ahmedov, Termiz garnizoni