“Men gʻolib”: muddatli harbiy xizmatchilar oʻrtasida armiya oʻyinlari boshlandi
2024-11-20 10:40:00 / Yangiliklar
"Vatan - muqaddas, uni himoya qilish sharafli burchdir!" g'oyasi asosida oʻtkazilayotgan armiya o‘yinlarining tantanali ochilish marosimida ishtirok etgan Mudofaa vazirligining masʼul ofitserlari, Qurolli Kuchlar faxriylari va mehmonlar barcha harbiy xizmatchilarga omad tilashdi.
Shundan soʻng, Vatan himoyasida sobit turgan mard oʻgʻlonlarning kasbiy tayyorgarligi, chaqqonligi va ruhiy quvvati, abjirliklarini 25 ta mutaxassislik ko‘rik-tanlovlar yo‘nalishi bo‘yicha sinovdan oʻtkazishga kirishildi.
Kuchli raqobat ruhi ostida kechayotgan musobaqalarda muddatli harbiy xizmatchilarning doimiy shayligi, jangovar harakatlar va maxsus tadbirlarni olib borishdagi uyushqoqligi, berilgan vazifalarni sifatli bajarishi, shartlarga tayyorgarlik darajasi, jismoniy va ruhiy holatlariga alohida eʼtibor qaratilmoqda.
Ta’kidlash lozimki, bir necha turdagi musobaqa va koʻrik-tanlovlar harbiy xizmatchilar oʻrtasida sogʻlom raqobat muhitini yaratib, jangovar shaylikni oshirish bilan birga mamlakat mudofaa qudratining yuksalishiga ham xizmat qilmoqda.
“Chirchiq” poligonida armiya oʻyinlari davom etmoqda.
Mudofaa vazirligi Axborot va ommaviy kommunikatsiyalar departamenti