O‘quv-uslubiy yig‘in mashg‘ulotlari Mudofaa vazirligi Moddiy-texnik ta’minot bosh boshqarmasi mas’ul ofitserlari rahbarligida tashkil etildi. 

Moddiy-texnik ta’minot mutaxassislari yig‘in davomida “Vzvod xo‘jaligini tashkillashtirish”, “Oziq-ovqat va kiyim-kechak omborlarida moddiy-texnik vositalarni saqlash hamda bo‘linmalarga chiqim qilish”, “Askarlar oshxonasida nazorat ko‘rgazmali taom tayyorlash tadbirini o‘tkazish metodikasi”, “Biriktirilgan hududni obodonlashtirish hamda kunlik tozalovini o‘tkazish” kabi mavzular yuzasidan ko‘rgazmali mashg‘ulotlarda ishtirok etdi. 

Bundan tashqari, harbiy xizmatchilar yong‘in xavfsizligi, shuningdek,  soha yuzasidan yo‘l qo‘yilayotgan tizimli kamchiliklarni yechimi bo‘yicha zarur tavsiyalar oldi. Qo‘shinlarning doimiy yashash joylarida va dala sharoitlarida harbiy xizmatchilar uchun shart-sharoitlar yaratish hamda ulardan to‘g‘ri foydalanish borasida yangi bilimlarga ega bo‘ldi. 

Yig‘in yakunida hisobot va takliflar tinglanib, rahbarlar tomonidan har bir o‘quv nuqtasida berilgan ma’lumotlar soha mutaxassislarining oldindagi faoliyatlarida dasturilamal bo‘lib xizmat qilishiga ishonch bildirildi. 

Mudofaa vazirligi Axborot va ommaviy kommunikatsiyalar departamenti