Uchrashuvda maktabdagi 1-sektorga biriktirilgan o‘quvchi-yoshlar, “Vatan tayanchi” otryadi a’zolari hamda keng jamoatchilik vakillari ishtirok etdi. Uchrashuv davomida qo‘mondon o‘rinbosari bugungi kunda yoshlarga qaratilayotgan e’tibor hamda milliy armiyamizda olib borilayotgan islohotlar, oliy harbiy bilim yurtlariga kirish to‘g‘risida to‘xtalib o‘tdi.

Yoshlar bilan ochiq muloqotga kirishib, yurtimizdagi oliy harbiy bilim yurtlari va ularning imkoniyatlari va mutaxassisliklari bo‘yicha batafsil ma’lumotlar berdi.

Tadbir davomida, bugungi kunda Qurolli Kuchlarimizda yoshlarga beriladigan imkoniyatlar va imtiyozlar, shuningdek, oliy harbiy bilim yurtlari hamda ularga kirish tartibi bo‘yicha yoshlar tomonidan berilgan ko‘plab savollarga javob qaytarildi.

Shundan so‘ng, yoshlar uchun vatanparvarlik tadbirlari bo‘lib o‘tdi. Undagi harbiy orkestr va faxriy qorovul jamoalarining chiqishi, qurol-aslahalar ko‘rgazmasi hamda qo‘l jangi ko‘rinishlari yig‘ilganlarga unutilmas onlarni hadya etdi.

Sharqiy harbiy okrug matbuot xizmati