Farg‘onada “Rahbar va yoshlar” uchrashuvi bo‘lib o‘tdi
2024-10-17 14:40:00 / Yangiliklar
Uchrashuvda maktabdagi 1-sektorga biriktirilgan o‘quvchi-yoshlar, “Vatan tayanchi” otryadi a’zolari hamda keng jamoatchilik vakillari ishtirok etdi. Sharqiy harbiy okrug qo‘shinlari qo‘mondonining o‘rinbosari bugungi kunda yoshlarga qaratilayotgan e’tibor to‘g‘risida hamda milliy armiyamizda olib borilayotgan islohotlar, oliy harbiy bilim yurtlariga suhbat davomida to‘xtalib o‘tdi.
Yoshlar bilan ochiq muloqotga kirishib, yurtimizdagi oliy harbiy bilim yurtlari, ularning imkoniyatlari va mutaxassisliklari bo‘yicha batafsil ma’lumotlar berdi.
Tadbir davomida, bugungi kunda Qurolli Kuchlarimizda yoshlarga beriladigan imkoniyatlar va imtiyozlar, shuningdek, oliy harbiy bilim yurtlari hamda ularga kirish tartibi bo‘yicha yoshlar tomonidan ko‘plab savollar berildi.
Tadbir so‘nggida faol ishtirok yoshlarga qimmatbaho va esdalik sovg‘alar bilan taqdirlandi.
Shundan so‘ng, yoshlar uchun vatanparvarlik tadbirlari bo‘lib o‘tdi. Undagi harbiy orkestr va faxriy qorovul jamoalarining chiqishi hamda qo‘l jangi ko‘rinishlari yig‘ilganlarga unutilmas onlarni hadya etdi.
Sharqiy harbiy okrug matbuot xizmati