Unda harbiy okruglar, Qurolli Kuchlar akademiyasi va Chirchiq oliy tank qoʻmondonlik-muhandislik bilim yurti kursantlaridan iborat jami 18 ta jamoa ishtirok etdi. 

Maʼlumki, Mudofaa vazirligi qoʻshinlarining jangovar tayyorgarlik darajasini oshirish, qoʻshilma, harbiy qism va muassasalarda mutaxassislarning nazariy va amaliy koʻnikmalarini takomillashtirish, shaxsiy tarkib oʻrtasida sogʻlom raqobat muhitini shakllantirish, harbiy xizmatchilarning uyushqoqlik va birodarlik sifatlarini oshirish maqsadida har yili kontrakt boʻyicha harbiy xizmatchilar oʻrtasida “Men gʻolib” shoiri ostida Armiya oʻyinlari doirasida koʻrik-tanlovlar oʻtkazib kelinmoqda.

“Eng ilgʻor togʻ ishgʻol guruhi” musobaqasi mutaxassislik boʻyicha yakka va guruh tarkibida maxsus vazifalarni bajarish kabi ikki yoʻnalishda boʻlib oʻtdi. 

Kuchli raqobat ruhi ostida kechgan murosasiz bahslarda togʻ ishgʻol guruhlari doimiy shayligi, sabarbarligi, tezkor jangovar harakatlar va maxsus tadbirlarni olib borishdagi harakatlari uyushqoqligini taʼminlash, togʻ hududlarida vazifalarni bajarish va maxsus tadbirlarni amalga oshirishda harbiy xizmatchilarning tayyorgarlik darajasini, ogʻir jismoniy va ruhiy qobiliyatini baholash kabi jihatlarga alohida eʼtibor qaratildi.

Yakuniy natijalarga koʻra, Maxsus operatsiya boʻlinmalari yoʻnalishida 3-oʻrinni Sharqiy harbiy okrug va Janubi-gʻarbiy maxsus harbiy okrugga qarashli harbiy qism jamoasi, 2-oʻrinni Sharqiy harbiy okrugga qarashli yana bir harbiy qism jamoasi qoʻlga kiritgan boʻlsa, faxrli 1-oʻrin Toshkent harbiy okrugi tasarrufidagi harbiy qism jamoasiga nasib etdi.

Razvedka va oliy harbiy taʼlim bilim yurtlari boʻlinmalari yoʻnalishida 3-oʻrin Chirchiq oliy tank qoʻmondonlik-muhandislik bilim yurti va Shimoliy-gʻarbiy harbiy okrug tasarrufidagi harbiy qism jamoasiga, 2-oʻrin Termiz garnizonidagi harbiy qism jamoasiga nasib etgan boʻlsa, faxrli birinchi oʻrinni Toshkent harbiy okrugiga qarashli harbiy qism jamoasi qoʻlga kiritdi.

Gʻolib va sovrindorlar kubok, diplom va qimmatbaho sovgʻalar bilan munosib taqdirlandi.

Mudofaa vazirligi Axborot va ommaviy kommunikatsiyalar departamenti