Bir guruh magistrlarga diplomlar topshirildi
2024-10-07 12:15:00 / Yangiliklar
Qo‘shinlarda yurt himoyachilarining ruhiy barqarorligini ta’minlashda harbiy psixologlar muhim ahamiyat kasb etadi. Shu sabab ta’lim muassasalarida mazkur mutaxassislar bilim va ko‘nikmalarini oshirishlariga, doimiy ravishda tajriba orttirishlariga alohida e’tibor qaratib kelinadi.
Ana shunday islohotlar doirasida 2022-yil Lomonosov nomidagi Moskva davlat universiteti Toshkent filiali magistratura bosqichida Mudofaa vazirligi tashabbusi bilan ilk bor Psixlogiya yo‘nalishi tashkil qilindi.
Joriy yil vazirlik tizimidagi harbiy qism va muaassasalaridan saralab olingan bir guruh harbiy xizmatchilar mazkur yo‘nalishni muvafaqqiyatli tamomladi.
Magistratura bitiruvchilariga diplomlar Lomonosov nomidagi Moskva davlat universiteti Toshkent filiali rektori Anatoliy Chasovskih tomonidan tantanali ravishda topshirildi.
Mudofaa vazirligi Axborot va ommaviy kommunikatsiyalar departamenti