“Manfaatlar toʻqnashuvi toʻgʻrisida”gi qonun mazmun-mohiyatini keng tushuntirishga qaratilgan seminar tashkil etildi
2024-07-05 16:15:00 / Yangiliklar
Tadbirda Togʻ-kon sanoati va geologiya vazirligi ijro apparati boshqarma va boʻlimlar rahbar va mas’ul xodimlari ishtirok etdi. Uni Kon-geologiya vaziri maslahatchisi M. Pirojkov boshqarib, mazkur Qonunning mazmun-mohiyati toʻgʻrisida ma’lumotlar berib o‘tdi.
Shuningdek, vazirlikning Korrupsiyaga qarshi ichki nazorat boʻlimi boshligʻi Sh.Sagʻdullayev o‘z taqdimotida manfaatlar toʻqnashuvi tushunchasi va turlari, manfaatlar toʻqnashuvining oldini olish maqsadida davlat tashkiloti xodimiga belgilangan cheklovlar hamda Odob-axloq komissiyasining va davlat organlarining manfaatlar toʻqnashuvi bilan bogʻliq munosabatlarni tartibga solish sohasidagi vakolatlari toʻgʻrisida batafsil tushuntirib berdi.
Tadbir yakunida mavzu doirasida fikr-mulohazalar bildirilib, ishtirokchilarni qiziqtirgan savollarga javob qaytarildi.