“O‘zkimyosanoat” AJ, Yevropa tiklanish va taraqqiyot banki hamda “ACWA Power UKS Green H2” qo‘shma korxonasi o‘rtasida Kredit va Kafolat shartnomalari imzolandi.
2024-09-11 10:30:00 / Yangiliklar
#yashil_energiya
“O‘zkimyosanoat” AJ, Yevropa tiklanish va taraqqiyot banki hamda “ACWA Power UKS Green H2” qo‘shma korxonasi o‘rtasida Kredit va Kafolat shartnomalari imzolandi.
“O‘zkimyosanoat” AJ tomonidan Saudiya Arabistonining “ACWA Power” kompaniyasi bilan hamkorlikda Toshkent viloyatida MDH davlatlari va Markaziy Osiyoda yagona bo‘lgan yashil vodorod ishlab chiqarishni tashkil etish bo‘yicha yirik investitsiya loyihasi amalga oshirilmoqda.
Mazkur loyiha doirasida elektrolizerlar o‘rnatish orqali vodorod ishlab chiqarish va elektrolizerlar isteʼmolini qoplash uchun shamol turbinalarini o‘rnatish rejalashtirilgan.
Joriy yilning 10-sentyabr kuni “O‘zkimyosanoat” AJ rahbariyati, “ACWA Power” kompaniyasi hamda Yevropa tiklanish va taraqqiyot banki vakillari ishtirokida loyihani moliyalashtirish uchun eng yirik moliya institutlaridan biri — Yevropa tiklanish va taraqqiyot banki tomonidan kredit resurslari (Equity Bridge Loan) jalb qilinishi yuzasidan Kredit va Kafolat shartnomalarini imzolash marosimi bo‘lib o‘tdi.
Ta’kidlash lozimki, mazkur o‘zlashtirilayotgan past foizli kredit resurslari davlat kafolatisiz to‘g‘ridan-to‘g‘ri loyihani moliyalashtirishga yo‘naltiriladi.