Qaraqalpaqstan Respublikası Kegeyli rayonı hákimligi

Kegeyli rayonındaǵı 11-sanlı mektepke shekemgi bilimlendiriw shólkemi tárbiyalanıwshıları ushın "Áhmiyetli 90 kún" sheńberinde qızıqlı hám mazmunlı mádeniy-aǵartıwshılıq ilajlar shólkemlestirildi.

Ilaj sheńberinde balalar hár qıylı dóretiwshilik shınıǵıwlarda qatnastı, reńli qaǵazlar menen súwretler isledi, komandalıq oyınlar hám sport shınıǵıwları arqalı belsendilik kórsetti.

Sonıń menen birge, balalarǵa jol háreketi qaǵıydaları, ekologiyalıq mádeniyat, salamat turmıs tárizi sıyaqlı áhmietli temalarda bilimler berilip, olardıń sanasında watansúyiwshilik hám juwapkershilik sezimi bekkemlendi.

Ilaj balalar ushın tek ǵana ruwxıy emes, al fizikalıq rawajlanıwǵa da xızmet etti. Olar óz qábiletin hám belsendiligin kórsetti.