Jizzах vilоyati hоkimligi

Yig‘ilish Forish tumani hokimligi majlislar zalida tashkil etilib, unda hududni rivojlantirish bo‘yicha amalga oshirilayotgan ishlar muhokama qilindi. Shuningdek, respublika va viloyat miqyosidagi muammolarni hal etish, amaliy ko‘mak berish masalalari ham ko‘rib chiqildi.

Tadbirda Jizzax viloyati hokimining moliya-iqtisodiyot va kambag‘allikni qisqartirish bo‘yicha birinchi o‘rinbosari Zafar Azimov boshchiligidagi viloyat hokimi o‘rinbosarlari, Forish tumani hokimi Ikrom Matiyev, viloyat boshqarma va tashkilotlari rahbarlari, shuningdek, tuman sektor rahbarlari – hokim, prokuror, ichki ishlar va soliq inspeksiyasi rahbarlari, hokim o‘rinbosarlari hamda boshqa mutasaddi idoralar rahbarlari ishtirok etdi.

Yig‘ilishda tuman va viloyat miqyosidagi mavjud muammolar tahlil qilinib, ularni bartaraf etish bo‘yicha aniq takliflar muhokama qilindi. Aholi farovonligini oshirish, infratuzilmani yaxshilash va ijtimoiy muammolarni hal etish bo‘yicha muhim chora-tadbirlar belgilandi.

Ustuvor yo‘nalishlar va topshiriqlar

✅ Tuman iqtisodiy salohiyatini oshirish;
✅ Ish o‘rinlari yaratish;
✅ Tadbirkorlikni qo‘llab-quvvatlash;
✅ Infratuzilmani yaxshilash;
✅ Aholi turmush darajasini oshirish.

Zafar Azimov mas’ul shaxslarga tegishli topshiriqlar berib, tuman iqtisodiy rivojlanishini jadallashtirish va mavjud muammolarni hal qilish bo‘yicha aniq yo‘nalishlarni belgilab berdi.

Yakunda, belgilangan vazifalarni o‘z vaqtida va samarali amalga oshirish yuzasidan mutasaddilarga zarur ko‘rsatmalar berildi. Shu bilan birga, tuman va viloyat rahbariyati aholi turmush darajasini yaxshilash, ijtimoiy muammolarni bartaraf etish hamda iqtisodiy rivojlanishga hissa qo‘shishga qaratilgan sa’y-harakatlarni davom ettirishga qaror qildi.