Jizzax shahri Kimyogar mahallasining og‘ir ahvoldagi oilalari holidan xabar olindi
2025-03-11 09:05:00 / Yangiliklar
Ushbu tashrif mahallaga biriktirilgan vakil N.Rasulov hamda mahalla raisi tomonidan tashkil etilib, aholining turmush sharoitlarini yaxshilashga qaratilgan tadbirlar doirasida amalga oshirildi.
Tashrif davomida og‘ir ahvolda yashayotgan xonadon egalari bilan suhbat o‘tkazilib, ularning muammolari va zarur ehtiyojlari o‘rganildi. Aniqlangan muammolar bo‘yicha amaliy yordam ko‘rsatish va ijtimoiy qo‘llab-quvvatlash choralari muhokama qilindi. Shuningdek, mavjud kamchiliklarni bartaraf etish maqsadida tegishli tashkilotlar bilan hamkorlikda ish olib borilishi rejalashtirildi.
Bu kabi tashriflar kelgusida ham davom ettirilishi belgilangan bo‘lib, muhtoj oilalarga doimiy ravishda yordam ko‘rsatish hamda ularning turmush sharoitlarini yaxshilashga qaratilgan chora-tadbirlar izchil amalga oshiriladi. Mahalladagi ijtimoiy muammolarni hal etish, aholining farovonligini oshirish va ijtimoiy himoyaga muhtoj fuqarolarga ko‘maklashish mahalliy hokimiyat va hamkor tashkilotlarning ustuvor vazifalaridan biri bo‘lib qoladi.