QOZOGʻISTONNING OʻZBEKISTONDAGI ELCHISI JIZZAXDAGI BMB-NRC AGROLOGISTICS MAJMUASI FAOLIYATI BILAN TANISHDI
2024-12-21 12:00:00 / Yangiliklar
Qozogʻiston Respublikasining mamlakatimizdagi favqulodda va muxtor elchisi Atamkulov Beybut Bakirovich boshchiligidagi delegatsiya BMB-NRC Agrologistics majmuasi imkoniyatlari bilan tanishdi.
Elchi janoblari boshchiligidagi mehmonlar agrologistika majmuasining faoliyati, uning quvvati, eksport salohiyati va joʻgʻrofiyasi, xizmat turlari, yaratilgan imkoniyat va sharoitlar, xususan, mamlakatimiz mintaqalarida yetishtirilgan turli qishloq xoʻjaligi mahsulotlarini saralash, qayta ishlash, qadoqlash, saqlash, bojxona, bank va sanitar hujjatlarini “Yagona darcha” tamoyili asosida rasmiylashtirish, transport, logistika xizmatlarini koʻrsatish kabi amaliyotlar bilan tanishtirildi.
Kelgusida qoʻshni Qozogʻistonga serquyosh zaminimizda yetishtirilgan mahsulotlarni eksport qilishda majmua imkoniyatlaridan foydalanishga hamda bu borada Holding rahbariyati bilan uchrashuv oʻtkazishga kelishib olindi.