Buxgalteriya hisobining milliy standartlari (BHMS) davlat tilida qabul qilindi
2024-08-15 18:05:00 / Vazirlik yangiliklari
Shu munosabat bilan, O‘zbekiston Respublikasi «Davlat tili haqida»gi Qonun ijrosini ta’minlash hamda amaliyotdagi nomuvofiqliklarni bartaraf etish maqsadida, Iqtisodiyot va moliya vazirligi tomonidan 25 ta buxgalteriya BHMS davlat tilidagi matni tayyorlanib, mazkur BHMSning 20 tasini davlat tilida qabul qilish hamda unifikatsiya qilish yo‘li bilan bekor qilinib o‘rniga 15 ta BHMS yangi tahrirda davlat ro‘yxatidan o‘tkazildi.
Shuningdek, mamlakatimizda moliyaviy hisobotning xalqaro standartlarini (MHXS) joriy etish bo‘yicha izchil ishlar amalga oshirilmoqda. Ushbu islohotlarni jadallik bilan davom ettirish, shu bilan birgalikda MHXSni joriy etish jarayonini muvofiqlashtirish va metodologik ta’minlash hamda tadbirkorlik subyektlarini qo‘llab-quvvatlash va yengillik yaratish maqsadida Iqtisodiyot va moliya vazirligi tomonidan yangi tahrirdagi 5 ta BHMS MHXSga uyg‘unlashtirilgan holda ishlab chiqilib, jamoatchilik muhokamasidan o‘tkazildi.
Bundan tashqari, buxgalteriya hisobi tizimini yanada takomillashtirish hamda MHXSni joriy qilishga doir takliflarni qamrab olgan normativ-huquqiy hujjat loyihalari bosqichma-bosqich e’lon qilib boriladi.
Iqtisodiyot va moliya vazirligi
Axborot xizmati