Xorazm viloyati xavfsiz turizmni taʼminlash boshqarmasi tomonidan yoshlar bilan bir qator tadbirlar amalga oshirildi
2024-03-14 17:50:00 / Yangiliklar
Yoshlarni vatanparvarlik, vatanga boʻlgan muhabbat ruhida tarbiyalash hamda yoshlar oʻrtasida sogʻlom turmush tarzini targʻib qilish maqsadida joriy yilning 14-mart kuni masʼul idora va tashkilotlar bilan hamkorlikda Xiva shahar “Ichan qalʼa” davlat muzey qoʻriqxonasi oldida yoshlar bilan bir qator tadbirlar amalga oshirildi.
Tadbirlar davomida viloyat IIB Xavfsiz turizmni taʼminlash boshqarmasi tomonidan jamoat tartibi va tadbir ishtirokchilarining xavfsizligini taʼminlash bilan bir qatorda boshqarmaning kuch va vositalari ham namoyish qilindi.
Yoshlar bilan bir qatorda Xiva shahriga sayohatga kelgan chet ellik mehmonlar ham tadbirda faol qatnashib, oʻzlarining ijobiy fikr va mulohazalarini bildirdilar.
Transport va turizm obyektlarida xavfsizlikni taʼminlash departamenti Axborot guruhi