Jizzax viloyatining Doʻstlik tumanida “Rahbar va yoshlar” uchrashuvi boʻlib oʻtdi
2024-03-01 09:00:00 / Yangiliklar
Jizzax viloyati hokimi o‘rinbosari A.Savurboyev boshchiligidagi viloyat IIB, DXX va boshqa huquq-tartibot idoralari, viloyat boshqarmalari va tashkilotlar rahbarlaridan iborat ishchi guruh Do‘stlik tumani yoshlari bilan uchrashishdi.
“Rahbar va yoshlar” uchrashuvi avvalida rahbarlar tuman yoshlarining sport sohasida erishayotgan yutuqlari, hunarmandchilik va ishlab chiqarayotgan mahsulotlari ko‘rgazmalari bilan tanishishdi.
Shuningdek, tuman hokimligi va tuman IIB tomonidan 2- sonli o‘rta umumtaʼlim maktabida tashkil etilgan “Lider vatanparvarlar” guruhi aʼzolari bilan suhbatlashishdi.
Ochiq muloqotlarda o‘tayotgan avlod vakillari hamda “Yoshlar daftari” ro‘yxatida turgan yigit-qizlarni qiynayotgan muammolariga eʼtibor qaratildi. Ko‘tarilgan masalalarning ayrimlari joyida bartaraf etildi.
Tadbirda tuman IIB JXX probatsiya guruhi nazoratida jazo o‘tayotgan yoshlarning masalalariga ham diqqat qilindi.
Jizzax viloyati IIB Axborot xizmati