Ichki ishlar organlari xodimlarining intellektual va professional salohiyatini oshirishga qaratilgan loyiha doirasida amaliy ishlar boshlandi
2024-03-01 09:00:00 / Yangiliklar
Oʻzbekiston Respublikasi Ichki ishlar vaziri va Koreya Respublikasining Oʻzbekistondagi elchisi tomonidan imzolangan muzokaralar bayoniga muvofiq Koreya milliy politsiya agentligi va tegishli mutaxassislar IIV Malaka oshirish institutiga tashrif buyurdilar.
Tashrif davomida Koreya delegatsiyasi bilan Oʻzbekiston Respublikasi Ichki ishlar vazirligi IIV Maʼnaviy-maʼrifiy ishlar va kadrlar bilan taʼminlash departamenti boshligʻining oʻrinbosari У.К.Нуруллаев, Institut rahbariyati hamda mutaxassislar uchrashuvi boʻlib oʻtdi.
Uchrashuvda Koreya Respublikasining Oʻzbekistondagi elchixonasi politsiya-attashesi va konsuli Na Dong Gun va Koreya xalqaro hamkorlik boʻyicha agentligi (KOICA)ning Oʻzbekistondagi Vakolatxonasi rahbariyati ishtirok etishdi.
Ochiq va konstruktiv ruhda oʻtgan uchrashuvda Muzokaralar bayonida belgilangan vazifalarni ijrosi, hamkorlik aloqalarini rivojlantirish masalalari, hamda Simulyatsiya va modellashtirish markazini qurilishi yuzasidan fikrlar almashildi va muhokama etildi.
Tomonlar rejalashtirilgan tadbirlarning samarali amalga oshirilishida barcha imkoniyatlarni ishga solinishi, shuningdek oʻzaro hamkorlik aloqalarini mustahkamlashdan ikki tomon ham birdek manfaatdor ekanligi taʼkidlandi.
Koreya milliy politsiya agentligi mutaxassislaridan iborat delegatsiya tomonidan Malaka oshirish institutida Simulyatsiya va modellashtirish markazi barpo etish va uni zamonaviy texnologiyalar bilan jihozlash borasida loyihalash ishlari amalga oshirilmoqda.
IIV Malaka oshirish instituti