Namangan viloyati IIB boshligʻi polkovnik Shuxrat Aliyev Pop tumanidagi davlat maktabgacha taʼlim tashkiloti faoliyatini oʻrgandi
2024-02-29 02:00:00 / Yangiliklar
Hozirgi kunda davlatimiz tomonidan maktabgacha taʼlim tizimini yanada takomillashtirish, sogʻlom, faol, toʻlaqonli, jamiyatga munosib bola shaxsini shakllantirishga alohida eʼtibor qaratilmoqda.
Shu munosabat bilan bugun polkovnik Sh.Aliyev Pop tumani sektor rahbarlari va tegishli mutaxassislar bilan birgalikda “Ozod” mahallasida joylashgan 4-sonli davlat maktabgacha taʼlim tashkiloti faoliyati hamda tarbiyalanuvchilar uchun yaratilgan shart-sharoitlar bilan yaqindan tanishdi va mazkur tashkilot xodimlari bilan suhbatlashdi.
Maʼlumot uchun mazkur bino 1948-yilda qurib bitkazilib, 55 nafar tarbiyalanuvchi uchun moʻljallangan.
Oʻrganish davomida mazkur davlat maktabgacha taʼlim tashkiloti binosini uzoq muddat davomida xizmat qilib kelayotganligini inobatga olib, mahalla aholisining ehtiyojidan kelib chiqqan holda qayta rekonstruksiya qilish masalasi tegishli mutaxassislar bilan atroflicha muhokama qilindi va binolarning texnik holatini oʻrganish hamda kelgusidagi amalga oshirilishi lozim boʻlgan ishlar yuzasidan tegishli chora-tadbirlar belgilab olindi.
Namangan viloyati IIB Axborot xizmati