Ichki ishlar organlari xodimlari oʻrtasida sportning yengil atletika turi boʻyicha Qashqadaryo viloyat ichki ishlar boshqarmasi birinchiligi musobaqalari oʻtkazildi
2024-02-29 00:20:00 / Yangiliklar
Qarshi shahridagi Olimpiya va paralimpiya zaxiralari ixtisoslashgan maktabida ichki ishlar organlari xodimlari oʻrtasida sportning yengil atletika turi boʻyicha Qashqadaryo viloyat ichki ishlar boshqarmasi birinchiligi musobaqalari boʻlib oʻtdi. Unda boshqarma tarkibiy va hududiy boʻlinmalarida xizmat olib borayotgan xodimlar uzunlikka sakrash, 100 hamda 5000 metr masofaga yugurish bahslarida oʻzaro bellashdilar.
Viloyat ichki ishlar boshqarmasi xodimlarining xizmat, jangovar, jismoniy tayyorgarligini oshirish hamda kasbiy tayyorgarlik darajasini yanada mustahkamlash maqsadida oʻtkazilgan musobaqa qizgʻin va murosasiz bahslarga boy boʻldi.
Musobaqa natijalariga koʻra Yakkabogʻ tuman ichki ishlar boʻlimi JXX HPB profilaktika inspektori, katta serjant Shahzod Xolmurodov gʻolib boʻldi. Navbatdagi sovrinli oʻrinlarni Yakkabogʻ tuman ichki ishlar boʻlimi JXX HPB profilaktika inspektori, kapitan Akbar Abdinazarov va Mirishkor tuman ichki ishlar boʻlimi JXX HPB profilaktika inspektori, leytenant Asqarali Choriyev qoʻlga kiritishdi.
Gʻoliblar diplom, medal va qimmatbaho sovgʻalar bilan taqdirlandi.
Qashqadaryo viloyati IIB Axborot xizmati