Surxondaryoda IIV ishchi guruhi aʼzolari tomonidan oʻquv seminari tashkil etildi
2024-02-28 22:30:00 / Yangiliklar
Oʻzbekiston Respublikasi Ichki ishlar vaziri tomonidan tasdiqlangan reja-topshiriqqa asosan vazirlik ishchi guruhi masʼul xodimlari tomonidan viloyat va hududiy ichki ishlar organlari tashkiliy boʻlinmalari xodimlari ishtirokida tizimdagi ijrochilik intizomini taʼminlash ahvoli va Situatsion-tahliliy markaz faoliyatini oʻrganish davomida aniqlangan kamchiliklarni bartaraf etish yuzasidan videoselektor tarzida amaliy oʻquv seminari oʻtkazildi.
Oʻquv seminar davomida, ishtirokchilarga vazirlik Tashkiliy departamenti masʼul xodimlari tomonidan Surxondaryo viloyati sohaviy, hududiy boʻlinmalari ijro intizomiga masʼul boʻlgan xodimlariga Oʻzbekiston Respublikasi Prezidentining 2021-yil 10-fevraldagi PF-6166-son Farmoni, Vazirlar Mahkamasining 1999-yil 12-yanvardagi 12-sonli qarori, Vazirlikning 1999-yil 31-yanvar kunidagi “Oʻzbekiston Respublikasi ichki ishlar idoralarida nazorat tizimini takomillashtirish toʻgʻrisida”gi va 2017-yil 28-dekabr kunidagi “Oʻzbekiston Respublikasi Ichki ishlar vazirligi Hayʼati faoliyatini tashkil etish toʻgʻrisida”gi tegishli buyruqlari talablari boʻyicha batafsil maʼlumotlar berilib, sohada amalga oshirilishi lozim boʻlgan chora-tadbirlar xususida fikr almashilib, aniqlangan kamchiliklarni bartaraf etish yuzasidan tegishli tushuntirish ishlari olib borildi. Xodimlar tomonidan berilgan savollarga mutaxassislar tomonidan tegishli javoblar olindi.
Surxondaryo viloyati IIB Axborot xizmati