Polkovnik Sh.Aliyev masʼullar bilan birgalikda Namangan viloyati Uchqo‘rg‘on tumanining “Fayziobod”, “Istiqlol” va “Yashiq” mahallalari yettiligi faoliyatini o‘rganib, yettilik aʼzolari bilan amalga oshirilgan ishlar yuzasidan suhbatlashdi.

Shuningdek, boshqarma boshlig‘i hududda jinoyatchilik va huquqbuzarliklarni oldini olish borasida ko‘rilgan chora-tadbirlar hamda mahallaga biriktirilgan masʼullarning ham faoliyatini tanqidiy ruhda tahlil qildi.

O‘rganish yakunida “mahalla yettiligi” o‘zaro hamkorlikda aholi muammolarini “xonadonbay”, “fuqarobay” o‘rganish orqali samarali yechim topish, jinoyatchilikni erta oldini olish maqsadida “maktab — ota-ona — mahalla” zanjiri asosida har bir yosh bilan individual tartibda ishlab, qiziqishlaridan kelib chiqqan holda kasb-hunarga va o‘qishga yo‘naltirish bo‘yicha masʼullarga aniq vazifalar belgilab berildi.

Namangan viloyati IIB Axborot xizmati