2024-yilning 29-31-yanvar kunlari IIV Xalqaro aeroportlarda xavfsizlikni taʼminlash boʻyicha qoʻshinlari bazasida, Oʻzbekiston Respublikasi Ichki ishlar vazirligi Harbiy tuzilmalari boʻlinmalarining 2023-yil jangovar-xizmat faoliyati yakunlariga doir hisoboti va uslubiy oʻquv-yigʻin mashgʻulotlariga start berildi.

Ushbu tadbirni ochib berish uchun IIVning oʻrinbosari general-mayor Baxodir Mirzaraximov tashrif buyurib, tashkillashtirilgan oʻquv-uslubiy yigʻin mashgʻulotlarining oʻquv nuqtalari, moddiy bazasi bilan yaqindan tanishdi.

Yigʻin davomida vazir oʻrinbosari, hozirgi kunda mintaqamizda va dunyoda hukm surayotgan tahlikali vaziyatlar, davlatlar oʻrtasidagi oʻzaro harbiy toʻqnashuvlar roʻy berayotgan bir vaqtda Qurolli Kuchlarimizga Prezidentimiz va Vazirlik rahbariyati tomonidan qoʻyilayotgan muhim vazifalar toʻgʻrisida toʻxtalib oʻtdi.

Tashrif davomida Vazir oʻrinbosari, «14-yanvar — Vatan himoyachilari kuni” bayrami munosabati bilan Oʻzbekiston Respublikasi huquqni muhofaza qiluvchi organlar va Vazirlik tizimidan oʻtkazilgan nufuzli musobaqalarda gʻoliblikni qoʻlga kiritgan bir qator sportchilarni taqdirlardi.

IIV Transport va turizm obyektlarida xavfsizlikni taʼminlash departamenti Axborot guruhi