Jazoni ijro etish departamenti Tibbiyot boʻlimi boshligʻi raisligida videoselektor yigʻilishi oʻtkazildi
2024-01-29 11:00:00 / Yangiliklar
Jazoni ijro etish departamenti Tibbiyot boʻlimi boshligʻi raisligida Departamentning markaziy studiyasi orqali tizim muassasalarining Jazoni ijro etish koloniya, manzil-koloniya, tergov hibsxona davolash-profilaktik yordamini koʻrsatish boʻlimi boshliqlari, xodimlari hamda 23-son mahkumlar uchun ixtisoslashgan kasalxona bosh shifokori va boʻlim hamda taʼminot guruhlari boshliqlari ishtirokida videoselektor yigʻilish oʻtkazildi.
Yigʻilishda Moliya iqtisod boshqarmasi taʼminot boʻlim boshligʻi hamda Tibbiyot boʻlimi boshligʻi Oʻzbekiston Respublikasining 2015-yildagi “Aholining sanitariya-epidemiologik osoyishtalik toʻgʻrisida”gi hamda 1997-yildagi “Oziq-ovqat sifati va xavfsizligi toʻgʻrisida”gi Qonunlari talablari asosida jazoni ijro etish muassasalarida yuqumli kasalliklar tarqalishini oldini olish boʻyicha amalga oshirilayotgan chora-tadbirlar, Tibbiyot boʻlimining 2024-yildagi “Botulizm kasalligini oldini olish boʻyicha chora-tadbirlar toʻgʻrisida”gi koʻrsatmaning ijrosi muhokamasi koʻrsatmasi, shu bilan birga tizim muassasalarida tibbiyot yoʻnalishi boʻyicha amalga oshirilgan ishlar va ijrochilik intizomi muhokamasi oʻtkazildi.
Koʻrsatmalar talablariga muvofiq, tizim muassasalarda saqlanayotgan maxsus kontingentni hamda xizmat olib borayotgan shaxsiy tarkibni sogʻligʻini saqlash maqsadida hozirgi kunda qoʻshimcha zarur chora-tadbirlarni belgilash, unda sanitariya-targʻibot ishlarni jadallashtirish, hamda botulizm kasalligini profilaktikasi xarid qilib olinayotgan oziq-ovqat mahsulotlarini sifati sertifikatlari boʻlishni, omborxonalarda saqlanayotgan konserva mahsulotlarini qayta taftishdan oʻtkazilishi holatlari aniqlangan holatda isteʼmoldan chiqarib tashlash kabi topshiriqlar berilib, ularning natijalari boʻyicha axborot berilishi belgilab olindi.
IIV huzuridagi Jazoni ijro etish departamenti Axborot xizmati