Toshkent davlat iqtisodiyot universitetida talabalar va Jazoni ijro etish departamenti xodimlari oʻrtasida “Mardlar qoʻriqlaydi Vatanni” deb nomlangan davra suhbati tashkil etildi
2024-01-18 15:00:00 / Yangiliklar
Tadbirda Ichki ishlar vazirligi huzuridagi Jazoni ijro etish departamenti “Vaqt-Vremya” gazetasi tahririyati bosh muharriri Toʻlagan Abdullayev va Axborot xizmati boshligʻi Shaxrizod Shokirov oʻz maʼruzalari bilan qatnashdilar .
Ushbu tadbirni hamkorlikda oʻtkazishdan maqsad talabalarda eng katta boyligimiz boʻlgan tinch hayotni asrash, xalqimiz farovonligini taʼminlash, davlat suvereniteti va sarhadlari daxlsizligi, hududiy yaxlitligini taʼminlash borasida hushyor boʻlishimiz zarurligi, bu tarix va kelajak avlodlar oldidagi muqaddas burchimiz va majburiyatimiz ekanligini anglatishdan iboratdir.
Shuningdek, tadbirda talabalarga IIVning jazoni ijro etish xizmati boʻyicha ham batafsil tushunchalar berildi. Bugungi kunda bu tizimda amalga oshirilayotgan islohotlar, qonunchilikdagi yangiliklar va Oʻzbekiston Respublikasining Jinoyat-ijroiya kodeksi haqida gapirib oʻtildi.
Talabalar tomonidan sohaga oid berilgan barcha savollarga vakillar atroflicha javob berishdi.
IIV huzuridagi Jazoni ijro etish departamenti Axborot xizmati