Joriy yilning 13-yanvar kuni Ichki ishlar vaziri oʻrinbosari general-mayor Bekmurod Abdullayev huzurida Huquqbuzarliklar profilaktikasi xizmati tomonidan 2023-yilning 12 oyi davomida amalga oshirilgan ishlar yuzasidan videoselektor yigʻilishi oʻtkazildi.

Ushbu yigʻilishda ichki ishlar organlari huquqbuzarliklar profilaktikasi boʻlinmalari tomonidan “Obod va xavfsiz mahalla” tamoyili asosida mahallalarda kriminogen vaziyatni yaxshilash, jinoyatni jilovlash va huquqbuzarliklarni barvaqt oldini olish borasidagi ishlar tanqidiy-tahliliy ruhda oʻtkazilib, xato va kamchiliklarga yoʻl qoʻygan hudud ichki ishlar organlari masʼullarining faoliyatiga baho berildi.

Yigʻilish yakunida jinoyatchilikni keskin kamaytirish hamda aholida vatanparvarlik tuygʻularini yuksaltirish borasida 2024-yilda amalga oshirilishi lozim boʻlgan ustuvor vazifalar belgilab olindi.

IIV Jamoat xavfsizligi departamenti Axborot xizmati