Bugun Boshqarma boshligʻi tomonidan Davlatobod tumanidagi uzoq muddat davomida “qizil” toifada boʻlgan “Xalqlar doʻstligi” va Yangi Namangan tumanining “Mingchinor” mahallalari faollari bilan yigʻilish oʻtkazildi. Unda sodir etilgan jinoyatlarning kelib chiqish sabablari tahlil qilinib, yoʻl qoʻyilgan xato-kamchiliklar yuzasidan tegishli masʼullarning faoliyati tanqid qilindi.

Muhokama soʻnggida, mazkur mahallalarni jinoyatdan holi hududga aylantirish maqsadida mahalla xodimlari va hududga biriktirilgan masʼullar tomonidan tizimli ish tashkil etish, zamonaviy texnologiyalardan foydalangan holda hududdagi jamoat joylarini onlayn tarzda kuzatuvini yoʻlga qoʻyish, spirtli ichimlik ichishga ruju qoʻygan shaxslar, shuningdek, nizoli oilalar bilan alohida tartibda ishlash hamda ularning muammolarini hal etish boʻyicha aniq vazifalar belgilab berildi.

Namangan viloyati IIB Axborot xizmati