Joriy yilning 21-dekabr kuni ichki ishlar vaziri oʻrinbosari general mayor B. T. Abdullayev boshchiligida Fargʻona viloyat hokimligida yigʻilishi boʻlib oʻtdi
2023-12-21 20:30:00 / Yangiliklar
Unda viloyat hokimi Xayrulla Bozorov, sektor rahbarlari va mutasaddi idora va tashkilotlar masʼullari ishtirok etishdi.
Vazir oʻrinbosari oʻz maʼruzasida, 2020-2023-yillar davomida “Ayollar daftari” tizimi asosida Respublika boʻyicha jami 2 million 516 ming nafar xotin-qizlarga amaliy yordam berilganligi haqida aytib oʻtdi.
Xususan, Fargʻona viloyatida 1-bosqichda 47 ming 554 nafar, 2-bosqichda 52 ming 540 nafar, 3-bosqichda 79 ming 463 nafar hamda 4-bosqichda 111 ming 362 nafar xotin-qizlarga amaliy yordam berilganligi, Prezidentimiz topshiriqlariga koʻra, 2024-yilda “Ayollar daftari” tizimi doirasida Respublika boʻyicha jami 1 million nafar, jumladan, Fargʻona viloyatidagi 109 ming 500 nafar xotin-qizlarga amaliy yordam berilishi, ushbu yordamlar sifatini yanada oshirilishi belgilanganligi haqida taʼkidladi.
Tadbir davomida Ichki ishlar vaziri oʻrinbosari general mayor B. T. Abdullayev, “Ayollar daftari” Nizomining 6-bandida belgilanganidek har yili yanvar oyida sektorlar ishchi guruhlari va mahallalardagi xotin-qizlar faollari hamda mahallalarda fuqarolar yigʻinlari raislari va boshqa faollar tomonidan xotin-qizlarning muammolari uyma-uy yurish orqali oʻrganilishini eslatib oʻtdi.
“Ayollar daftari”ning 5-bosqichida ehtiyojmand xotin-qizlarning har biriga individual yondashib yordam berilishini, zero, “Ayollar daftari”ga kiritiladigan xotin-qizlar yil yakuniga borib mustaqil hayot kechirishga tayyor boʻlishi zarurligini taʼkidladi.
2024-yilning 5-yanvar kunidan boshlanadigan “Ayollar daftari”ning 5-bosqichining oʻtkazilishida bir qator koʻrsatmalarni berdi.
IIV huzuridagi JXD Axborot xizmati