Buxoro viloyati IIB boshligʻi polkovnik Mirjamol Miralimov boshchiligida YHXB xodimlari oʻrtasida xizmat intizomi va qonuniylikni taʼminlash borasida muhokama yigʻilishi oʻtkazildi
2023-12-21 19:00:00 / Yangiliklar
Muhokamada viloyat hududida namunali harakat xavfsizligini taʼminlash chora-tadbirlari, shaxsiy tarkib oʻrtasida xizmat intizomi va qonuniylikka rioya etilishi borasida amalga oshirilgan ishlar tanqidiy tahlil qilindi.
Shuningdek, tizimda samarali mehnat qilib, jinoyatchilikka qarshi murosasiz kurashgan, yoʻl-transport hodisalarini oldini olish borasida jonbozlik koʻrsatgan bir qator xodimlar viloyat IIB boshligʻining tashakkurnomasi, pul mukofoti hamda qimmatbaho sovgʻalari bilan taqdirlandi.
Oʻz ishiga sovuqqonlik bilan qaragan bir qator xodimlarga qattiq ogohlantirishlar berilib, kelgusida xizmat intizomi va qonuniylikka rioya etmagan xodimlarga qatʼiy taʼsir choralari qoʻllanishi yuzasidan qarorlar qabul qilindi.
Buxoro viloyati IIB Axborot xizmati