Namangan viloyati IIB boshligʻi polkovnik Shuxrat Aliyev Namangan tumanidagi mahalla xodimlarining faoliyatini oʻrgandi
2023-12-21 17:00:00 / Yangiliklar
Namangan viloyati hududi boʻylab “qizil” toifaga kiritilgan mahallalarni bosqichma bosqich “sariq” va “yashil” toifaga oʻtkazish boʻyicha amaliy ishlar olib borilmoqda.
Jumladan, bugun Boshqarma boshligʻi Namangan tumanidagi uzoq muddat davomida jinoyatchilik salmogʻi yuqori boʻlib kelayotgan “Ravnaq”, shuningdek, “Qumqoʻrgʻon” mahallalari xodimlarining oʻtgan davr mobaynida amalga oshirgan ishlarini tanqidiy ruhda tahlil qildi.
Oʻrganishlar soʻngida ushbu hududlarda kriminogen vaziyatni barqarorlashtirish, jinoyatchilik va huquqbuzarliklarni barvaqt oldini olish, aholi muammolarini “mahallabay” ishlash tizimi orqali oʻrganib, ijobiy hal etish, mahalla xodimlarini oʻzaro hamkorligini mustahkamlash yuzasidan bir qator topshiriqlar berildi.
Namangan viloyati IIB Axborot xizmati