Toshkent viloyati IIBB Ekspert-kriminalistika markazi mutaxassislari tomonidan shahar-tuman IIB ekspert-kriminalistika xizmatlarida ish boshlagan xodimlar uchun, “Hodisa joyini koʻzdan kechirish tartibi, ashyoviy dalillarni olish, qayd etish, qadoqlash” mavzusida oʻquv-amaliy seminari tashkil etildi.

Oʻquv mashgʻuloti davomida, sohaga yangi kirgan xodimlarga, hodisa joyini qayd etish (bayonnoma tuzish, fotosurat va videotasvirga olish tartibi) qoidalari, jarayonda qoʻllaniladigan ilmiy-texnik vositalar, hodisa joyida koʻp uchraydigan izlar bilan ishlash, jinoyat hodisasi va jinoyatchi toʻgʻrisidagi maʼlumotlarni toʻplash maqsadida izlarni dastlabki tadqiqotdan oʻtkazish jarayonlari namunaviy misollar yordamida tushuntirildi.

Shuningdek, xodimlarga Markaz tomonidan oʻtkazib kelinayotgan ekspertiza turlari, ularni oʻtkazish tartibi haqida batafsil maʼlumot va tushunchalar berildi.

Oʻquv jarayonlari yakuniga koʻra xodimlarga maxsus sertifikatlar topshirilib, hududlar boʻyicha xizmatga yoʻnaltirish rejalashtirilgan.

Toshkent viloyati IIBB Axborot xizmati