Namangan viloyati IIB boshligʻi polkovnik Shuxrat Aliyev “Qamchiq” dovonidagi xavfsiz harakatni taʼminlash yuzasidan amalga oshirilayotgan ishlar bilan tanishdi
2023-12-18 09:00:00 / Yangiliklar
Boshqarma boshligʻi “Qamchiq” dovonining Pop tumani hududida joylashgan Namangan muntazam yoʻl-patrul xizmati maskani va “Qamchiq” maxsus qidiruv, yongʻin-qutqaruv boshqarmasi, qutqaruv otryadi xodimlari faoliyati, u yerdagi maxsus transport vositalari qish mavsumiga shaylik darajasi oʻrganildi.
Oʻrganishlar yakuni boʻyicha dovon orqali harakatlanayotgan transport vositalarini xavfsizligini taʼminlash, turli xil inson hayotiga xavf soluvchi pirotexnika vositalari, psixotrop va giyohvandlik moddalarini noqonuniy muomalaga kiritishni oldini olish choralarini koʻrish haqida masʼullarga topshiriqlar berildi.
Shuningdek, qutqaruv otryadi masʼul rahbarlari bilan favqulodda holatlarga shay turish va viloyat, tuman IIB xodimlari bilan zudlikda harakatlanish boʻyicha oʻzaro hamkorlikni tashkil etish yuzasidan tegishli chora tadbirlar belgilab olindi.
Namangan viloyati IIB Axborot xizmati