Ichki ishlar vazirligi va “Ipoteka bank” oʻrtasida ikki tomonlama hamkorlik memorandumi imzolandi
2025-03-16 09:00:00 / Yangiliklar
Raqamli texnologiyalar vositasida sodir etiladigan huquqbuzarliklarga qarshi kurashishni kuchaytirish maqsadida joriy yilning 15-mart kuni Ichki ishlar vaziri oʻrinbosari Bekmurod Abdullayev hamda “Ipoteka Bank OTP Group” raisi Sandro Rtveladze oʻrtasida uchrashuv boʻlib oʻtdi.
Uchrashuvda onlayn xizmatlardan foydalanuvchilarning raqamli savodxonligini oshirish hamda aholida kibergigiyenani shakllantirishga qaratilgan kompleks targʻibot tadbirlarini birgalikda tizimli ravishda olib borishga kelishildi.
Kelgusida raqamli texnologiyalar vositasida sodir etilgan huquqbuzarliklarning barvaqt oldini olish maqsadida tezkor maʼlumotlar almashinuvini yoʻlga qoʻyish, taʼsirchan targʻibot kontentlarini tayyorlash, jamoatchilik faolligini oshirish hamda IT-mutaxassislari ishtirokida yoʻnalishdagi muammolarning istiqbolli yechimlarini ishlab chiqishga qaratilgan turli tanlovlar uyushtirish kabi manzilli tadbirlarni oʻtkazish rejalashtirildi.
IIV Tezkor-qidiruv departamenti Kiberxavfsizlik markazi