Surxondaryo viloyati Transport va turizm obyektlarida xavfsizlikni taʼminlash boshqarmasi xodimlariga bir qator ustuvor vazifalar belgilandi
2025-03-07 09:30:00 / Yangiliklar
Surxondaryo viloyati transportda xavfsizlikni taʼminlash boshqarmasi xodimlarining xizmat faoliyati bilan yaqindan tanishilib, transport obyektlarida baxtsiz hodisalarning barvaqt oldini olish, xususan vokzal va aeroport ishchilari, yoʻlovchi fuqarolar oʻrtasida huquqbuzarlik va jinoyatlarning oldini olish va ularning profilaktikasi, jamoat tartibini saqlash, fuqarolar hushyorligi va ogohligini oshirish hamda xodimlar oʻrtasida ijro intizomi, qonunchilik talablariga qatʼiy rioya qilishlari, xodimlarning xizmat faoliyati ustidan kunlik nazoratni kuchaytirish, korrupsiyaga yoʻl qoʻymaslik boʻyicha masʼul xodimlarga koʻrsatmalar berildi.
Shundan soʻng Surxondaryo viloyati Ichki ishlar boshqarmasi Xavfsiz turizmni taʼminlash boshqarmasida oʻrganish ishlarini olib borildi. Viloyatning bevosita turizm namoyishi obyektlari va infratuzilmasi hududlarida jamoat tartibini saqlash, huquqbuzarliklarning barvaqt oldini olish va jinoyatchilikka qarshi kurashish sohasida amalga oshirilgan ishlarni birma-bir tahlil qilindi.
Shuningdek, viloyat transportda xavfsizlikni taʼminlash boshqarmasi xizmat hududlaridagi yoʻlovchi fuqarolar hamda yurtimizga tashrif buyurayotgan sayyohlarga yaratilgan sharoitlar oʻrganilib, bu borada olib borilayotgan islohotlarni jadallashtirish, obyektlardagi ishchilarning faoliyati ustidan nazoratni kuchaytirish, boʻyicha bir qator koʻrsatmalar berildi.
IIV Transport va turizm obyektlarida xavfsizlikni taʼminlash departamenti Axborot guruhi