Qashqadaryo viloyati Shahrisabz shahrida viloyatdagi 6 ta shahar-tumanlarga xizmat koʻrsatishga moʻljallangan, 65 oʻrinli maʼmuriy qamoqqa olingan shaxslarni saqlash Maxsus qabulxonasi oʻz faoliyatini boshladi.

Joriy yilning 1-dekabr kuni mazkur qabulxonaning ochilish marosimi boʻlib oʻtdi. Tadbirda Oʻzbekiston Respublikasi Ichki ishlar vaziri oʻrinbosari general-mayor B.T.Abdullayev, viloyat IIB rahbariyati, Shahrisabz shahar sektor rahbarlari, MFY nuroniylari va boshqalar ishtirok etishdi.

Oʻzbekiston Respublikasi Ichki ishlar vaziri oʻrinbosari general-mayor B.T.Abdullayev soʻzga chiqib, hozirda IIOda olib borilayotgan oʻzgarishlar va yangilanishlar, maxsus qabulxonada yaratilgan shart-sharoitlar xususida toʻxtalib, qabulxonada xizmat faoliyatini boshlayotgan xodimlarga omad tiladi. 

Shundan soʻng, Vazir oʻrinbosari general-mayor B.T.Abdullayev va sektor rahbarlari ishtirokida maxsus qabulxona ochilib, tadbir ishtirokchilari tomonidan qabulxonada yaratilgan shart-sharoitlar koʻzdan kechirildi.