Inson huquqlarini himoya qilishda hamkorlik: Ombudsman va Kriminologiya tadqiqot instituti oʻrtasida Memorandum imzolandi
2025-02-28 11:15:00 / Yangiliklar
Oʻzbekiston Respublikasida inson huquqlari, erkinliklari va qonuniy manfaatlarini himoya qilishda hamda inson huquqlarining buzilish holatlarini, sabab va omillarini tahlil qilishda, shuningdek sodir etilgan jinoyatchilikni bartaraf etishning samarali tizimini yaratish maqsadida Oʻzbekiston Respublikasi Oliy Majlisining Inson huquqlari boʻyicha vakili (ombudsman) bilan Oʻzbekiston Respublikasi Kriminologiya tadqiqot instituti oʻrtasida hamkorlik toʻgʻrisida Memorandumi imzolandi.
Shuningdek, kelgusida tomonlar oʻrtasida hamkorlik inson huquqlari, erkinliklari va qonuniy manfaatlarini himoya qilish hamda taʼminlashda kriminologiya sohasining yutuqlaridan foydalanish, ushbu sohada oʻrganishlar, xususan kriminologiyaning ilgʻor metodlaridan foydalangan holda jinoyatchilik omillarini bartaraf etish boʻyicha amaliy ishlarni olib borish, kriminologik tadqiqotlarni amalga oshirishda rivojlangan xorijiy davlatlarning yetakchi ilmiy-tadqiqot muassasalari bilan manzilli hamkorlikni amalga oshirish boʻyicha ishlarni, shu bilan birga, xalqaro tashkilotlar grantlarini jalb etish va ularda ishtirok etishni yoʻlga qoʻyish masalalari kelishildi.
Oʻzbekiston Respublikasi Kriminologiya tadqiqot instituti