AOKAda IIV Yoʻl harakati xavfsizligi xizmati rahbariyati va mutasaddi xodimlari, OAV vakillari hamda blogerlar ishtirokida matbuot anjumani boʻlib oʻtdi
2025-02-25 19:50:00 / Yangiliklar
Yoʻl harakati xavfsizligi tizimini takomillashtirish doirasida Oʻzbekiston Respublikasining Jinoyat va Jinoyat-protsessual kodekslariga, shuningdek, Maʼmuriy javobgarlik toʻgʻrisidagi kodeksiga kiritilgan qoʻshimcha va oʻzgartirishlar mazmun-mohiyatiga bagʻishlangan matbuot anjumani oʻtkazildi.
Matbuot anjumanida IIV JXD YHXX rahbari, polkovnik Sherzod Ibragimov yoʻl harakati xavfsizligini taʼminlash borasida amalga oshirilgan ishlar va erishilgan natijalar haqida maʼlumot berdi.
Shundan soʻng YHXX boshligʻi oʻrinbosari polkovnik Erali Bozorov Oʻzbekiston Respublikasining yangi qabul qilingan 1033-sonli qonuni mazmun-mohiyatini batafsil tushuntirib berdi.
Tadbir davomida 20 nafardan ortiq OAV vakillari, jurnalistlar hamda blogerlar oʻzlarini qiziqtirgan savollarga masʼul mutasaddilardan javob olishdi. Matbuot anjumani ochiq va samarali muhokamalar ruhida oʻtdi.
IIV Yoʻl harakati xavfsizligi xizmati Axborot xizmati