Andijon viloyati IIBda Ichki ishlar vazirining oʻrinbosari general-mayor Davron Nazarmuxamedov ishtirokida oʻtgan 2024-yilning 12 oyi davomida amalga oshirilgan ishlar yuzasidan hisobot yigʻilishi oʻtkazildi
2025-02-05 19:45:00 / Yangiliklar
Joriy yilning 4-fevral kuni Andijon viloyati IIBda Ichki ishlar vazirining oʻrinbosari general-mayor Davron Nazarmuxamedov raisligida boʻlib oʻtgan hisobot yigʻilishida viloyat hududida 2024-yilning 12 oyi mobaynida jinoyatchilikka qarshi kurashish, huquqbuzarliklar profilaktikasini taʼminlash, jamoat tartibi va fuqarolarning osoyishtaligini saqlash borasida olib borilgan tezkor profilaktik tadbirlar natijalari tanqidiy muhokama qilindi.
Tahlillar asosida masʼul rahbarlarning hisobotlari tinglanib, muhokama natijalariga koʻra xizmat vazifalarini bajarishda kamchiliklarga yoʻl qoʻyib kelgan bir qator rahbar va xodimlarga nisbatan qattiq intizomiy taʼsir choralari qoʻllanildi.
Shu bilan birga, viloyat hududida namunali jamoat tartibini saqlash, fuqarolar xavfsizligini taʼminlash, huquqbuzarlik va jinoyatchilikni barvaqt oldini olishda boshqa hamkasblariga alohida oʻrnak koʻrsatib kelayotgan bir guruh xodimlar munosib ragʻbatlantirildi.
Yigʻilish soʻnggida mahallalarda xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish choralarini koʻrish boʻyicha Prezidentimizning 2025-yil 3-yanvar kungi PQ-1-son qarorida belgilab berilgan vazifalar ijrosini sifatli bajarish asosida ish tashkil etish boʻyicha koʻrsatmalar berib oʻtildi.
Andijon viloyati IIB Axborot xizmati