Samarqand viloyati Kattaqoʻrgʻon tumanida viloyat hokimi va sektor rahbarlarining sayyor qabuli oʻtkazildi
2025-01-22 19:00:00 / Yangiliklar
Hududlarda aholining muammo va murojaatlariga yechim topish maqsadida sektorlar rahbarlarining sayyor qabul va uchrashuvlari tashkil etilmoqda.
Kattaqoʻrgʻon tumanida viloyat hokimi va sektor rahbarlarining aholi bilan sayyor qabuli oʻtkazildi.
Unda Oʻzbekiston Respublikasi Ichki ishlar vaziri oʻrinbosari general-mayor Bahodir Mirzarahimov va viloyat ichki ishlar boshqarmasi boshligʻi polkovnik Rahmat Mamatov ishtirok etib, fuqarolarning tizimga doir murojaatlari tinglandi.
Murojaatlar belgilangan tartibda koʻrib chiqilib, qonun doirasida hal etilishi yuzasidan topshiriqlar berilib, ayrimlarining huquqiy yechimi yuzma-yuz muloqot doirasida tushuntirildi.
Samarqand viloyati IIB Axborot xizmati