Namangan viloyati Ichki ishlar organlari ayol xodimalar oʻrtasida “Zakovat” intellektual oʻyini oʻtkazildi
2025-01-11 11:05:00 / Yangiliklar
Oʻzbekiston Respublikasi Prezidentining 2024-yil 29-dekabr kungi “Oʻzbekiston Respublikasi Qurolli kuchlari tashkil etilganligining 33 yilligi hamda Vatan himoyachilari kuni bayramiga tayyorgarlik koʻrish va uni yuqori saviyada oʻtkazish toʻgʻrisida”gi farmoyishi, IIVning 2024-yil 29-dekabr kungi farmoyishida belgilab berilgan vazifalar ijrosini taʼminlash maqsadida joriy yilning 9-yanvar kuni Namangan viloyati ichki ishlar boshqarmasi Maʼnaviy-maʼrifiy ishlar va kadrlar bilan taʼminlash xizmati tashabbusi bilan Boshqarma boshligʻining tegishli buyrugʻi asosida ayol xodimalar oʻrtasida “Zakovat” intellektual oʻyini oʻtkazildi.
Oʻyin davomida xodimalar intellektual va professional bilim darajasini, maʼnaviy-axloqiy saviyasini, mantiqiy fikrlash koʻnikmalarini, bilim va iqtidorlarini sinovdan oʻtkazishdi.
Qizgʻin jarayonlarga boy tarzda oʻtkazilgan musobaqada faxrli uchinchi oʻrinni viloyat IIB “Zulfiyaxonim” jamoasi, ikkinchi oʻrinni “Humo” jamoasi, faxrli birinchi oʻrinni IIV Akademik litsey oʻquvchi qizlari jamoasi egalladilar.
Gʻoliblar diplom va qimmatbaho sovgʻalar bilan taqdirlandi
Namangan viloyati IIB Axborot xizmati